Foshnja vdes në aksident, prindërit nën akuzë për vrasje. Çfarë ndodhi mbrëmjen e shkuar në familjen shqiptare

| 18:40
SHPËRNDAJE

Pasditen e djeshme u plagos rëndë në një aksident rrugor dhe natën e kaluar rreth orës 22:30, disa orë pas përplasjes, humbi jetën.

1522227894-airbag

Djali i vogël dy muajsh i goditur nga hapja eairbag vdiq në spitalin Cisanello në Pisa.

Në momentin e goditjes, fëmija ishte vendosur në vendin e posaçëm për bebe, por në sediljen e përparme të pasagjerit.

Dinamika e aksidentit

Sipas rindërtimit paraprak të aksidentit, babai ishte duke drejtuar mjetin, ndërsa nëna dhe vëllai më i madh ishin në vendet e pasme.

Makina me të cilën udhëtonte, familja me origjinë shqiptare, por për disa vite banuese në San Giuliano Terme, në provincën e Pizës, kishte mbërritur në kryqëzimin përmes Manghi, një rrugë me katër korsi, pasditen e shkuar. Këtu ndodhi aksidenti ku u përplasën tre makina.

Hapja e airbag-t

Përplasja, e cila nuk do të ishte veçanërisht e dhunshme, megjithatë aktivizoi sistemin e sigurisë duke hapur “airbag-un”. Kjo bëri që foshnja të kishte dëmtime të rënda në kokë, duke humbur menjëherë vetëdijen dhe duke mos dhënë shenja jete.

Transporti në spital

Mjekët e urgjencës u thirrën menjëherë në vendngjarje duke transportuar në spital foshnjën. Gjendja e fëmijës, i cili u paraqit me një traumë kraharori dhe një dëmtim të kokës, për mjekët menjëherë dukej shumë e rëndë.

Fëmija, në fakt, iu nënshtrua gjithashtu operacionit, por pavarësisht përpjekjes, gjithçka rezultoi fatale.

Prindërit e fëmijës vihen nën hetim

Ndërkohë, disa orë pas vdekjes së fëmijës, prindërit janë nën hetim nën akuzën e vrasjes. Akuza paraprake e kontestuar nga prokurori zëvendësues Giancarlo Dominijanni, është ajo e vrasjes së thjeshtë, por nuk mund të përjashtohet që, gjatë hetimeve, mund të ndryshohet në vrasje.

 

Te lidhura



Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.