Shqipëria humbi përfundimisht gjyqin ndaj Francesco Becchetti-t, të cilit duhet t’i paguajë 110 milionë euro dëmshpërblim.
Duket se ky vendim ka ngjallur një reagim të qytetarëve, të cilët kanë shpërndarë “Fletë-Gjoba” në rrugët e Tiranës, duke akuzuar kryeministrin Rama.
“Këtë muaj mos harroni të kurseni! Falë Edi Ramës, do t’i paguajmë 110 milionë euro Francesco Becchetti-t”, thuhet në mesazhin e fletushkës, të cilës i është vendosur simbolikisht edhe stema e Kryeministrisë.
“Flet-Gjobat” janë vendosur mbi xhamat e automjeteve e parkuara në rrugët e kryeqytetit.
Sjellim në vëmendje që sipërmarrësi italian kërkoi dëmshpërblim për mbylljen e televizionit “Agon Channel” në vitin 2015.
