Flamurtari-Kukësi nuk do të jetë sot vetëm një përballje në fushë, por edhe në tribuna. Mes dy klubeve ka një çështje të nxehtë siç është “Kale”. Gjithçka është në Dhomën e Zgjidhjes së Konflikteve, e cila pritet të mblidhet të hënën për të dhënë vendimin përfundimtar.
Më herët presidenti i Kukësit, Safet Gjici, ka kërcënuar edhe Flamurtarin, duke i thënë se do të përballet me të në gjyq për këtë çështje. Statusi i lojtarit është në ajër, ndërsa deri në zgjidhjen e çështjes nuk mund të aktivizohet me Flamurtarin. Por sot Kukësi do të gjejë në fushë si kundërshtar Albi Allën.
Ky i fundit, pak ditë në parë ishte te verilindorët, ndërsa sot do të jetë si kundërshtar. Flamurtari publikoi dje edhe çmimin e biletave për ndeshjen e sotme përballë Kukësit. Tribuna Qendrore: 700 lekë, tribunat A – B: 400 lekë dhe tribuna C: 200 lekë. Në të gjitha tribunat, femrat do të hyjnë falas.
NDIQE LIVE "PANORAMA TV" © Panorama.al