Islanda ka shkruar një tjetër kapitull suksesi në historinë e saj të futbollit, duke u kualifikuar për herë të parë në çerekfinalet e një Europiani. Islandezët triumfuan mbrëmjen e së hënës ndaj Anglisë me rezultatin 2-1.
Edhe pse anglezët kryesuan që në katër minutat e para të takimit, islandezët u kundërpërgjigjën duke përmbysur rezultatin brenda 20’ minutave të para.
Pas kësaj fitoreje modestët e Islandës do të përballen me vendin organizator (Francën) në çerekfinale, takim i cili do të luhet më datë 3 korrik.
Fillimisht ishte Anglia që kaloi në avantazh me 11-metërsh me anë të Rooney. Por, dy minuta më pas Islanda kapi në befasi mbrojtjen e vendit ishullor duke barazuar shifrat.
Kurse 12 minuta më pas Islanda shënoi dhe golin e avantazhid.
Islanda edhe pse një vend me popullsi të vogël në krahasim ne Britaninë në stadium tifozët e saj nuk janë të pakët.
Sa i takon krahasim të dy ekipeve në vlerë monetare, Anglia kushton 189 milionë paund kurse Islanda vetëm 19 milionë.
NDIQE LIVE "PANORAMA TV" © Panorama.al