Ermal Mamaqi i ka habitur të gjithë me foton e postuar në rrjete sociale ku zbulon se i ftuari i radhës në Xing do jetë presidenti i Shteteve të Bashkuara të Amerikës, Donald Trump.
Çdo javë, para se të vijë e shtuna, moderatori zbulon personazhin e ftuar në emisionin e radhës dhe i fton fansat t’i bëjnë pyetje.
Fotoja që ka publikuar sot duket aq reale sa fansat janë habitur por edhe kanë qeshur me përshkrimin që Ermali i ka vendosur fotos.
“I ftuar kete jave ne Xing me Ermalin, Trump djali! E bera nje emision me Trumpin por nuk do e nxjerr se ka dal kot. Sidoqofte ju beni pyetjen tuaj, pyetjet me te bukura marrin vizen amerikane”, shkruan ai.
Ndërkohë Presidenti amerikan Donald Trump ka vijuar me aktivitet e tij dhe me postime në Facebook, lidhur me zhvillimet atje, e që me siguri nuk e di aspak lojën e Mamaqit, që ka shkaktuar të qeshura tek publiku shqiptar.
NDIQE LIVE "PANORAMA TV" © Panorama.al