Një 24-vjeçar shqiptar u arrestua nga autoritetet britanike pasi u kap duke u kujdesur për një fermë kanabisi në Great Harwood.
Riza Ramës iu premtua një pagë prej 3 mijë paund për dy muaj me qëllim që të kujdesej për lëndën narkotike.
Por sic raportojnë mediat britanike, plani i tij nuk u realizuar kurrë, pasi ai u arrestua dhe u dënua me 32 muaj burg.
Policia e kapi shqiptarin në mars të këtij viti, pas raportimeve të disa banorëve fqinj me banesën ku shqiptari kujdesej për drogën.
Bimët e kanabisit rriteshin në 4 dhoma të shtëpisë, ndërsa energjia elektrike ishte e vjedhur.
Vlera me pakicë e lëndës narkotike shkonte deri në 32 mijë paund, ose deri një 15 mijë nëse shitej me shumicë.
I riu shqiptar, pranoi kultivimin e kanabisit, duke u thënë oficerëve se ai erdhi në Mbretërinë e Bashkuar nga Shqipëria dhe pasi kaloi tre ditë në Londër u transportua në Veri -Perëndim për të punuar si kopshtar.
Ai mohoi të ishte përgjegjës për vjedhjen e energjisë elektrike dhe tha se kishte ndërmend të dërgonte para në shtëpi për familjen e tij.
Rama i tha gjykatës se nuk kishte paguar askënd për ta ndihmuar në Mbretërinë e Bashkuar, por u shpreh se kishte mbërritur me një kamion, me shpresën se do të punonte në ndërtim. Sidoqoftë, për shkak të Covid vendet e ndërtimit u mbyllën dhe nuk kishte punë.
Pasi gjykatësi vendosi ta dënojë shqiptarin me 32 muaj burg, u shpreh: “Sjellja juaj po sjell turp për vendin tuaj. Këto gjykata janë të mbushura me kultivues shqiptarë të kanabisit.
NDIQE LIVE "PANORAMA TV" © Panorama.al
