Një plagosje me armë zjarri u regjistrua, mbrëmjen e sotme, në lagjen nr.5 të qytetit të Korçës.
“Panorama” mëson se i plagosuri është 30-vjeçari Igli Qani, i cili rezulton me precedentë të mëparshëm penalë për armëmbajtje pa leje dhe në 2019 është liruar nga burgu me vendim të Gjykatës së Korçës.
I riu është plagosur me armë zjarri, pasi është dhunuar fizikisht nga autori i ngjarjes.
30-vjeçari ka munduar të largohet nga vendi i ngjarjes për t’i shpëtuar autorit, por ky i fundit e ka ndjekur, duke e qëlluar dhe plagosur në këmbë.
Ndërkohë policia është vënë në ndjekje të autorit të plagosjes dhe po punon për zbardhjen e plotë të ngjarjes.
NDIQE LIVE "PANORAMA TV" © Panorama.al