Pas më shumë se një jave i zhdukur, një burrë shqiptar është gjetur i vdekur në Itali. Viktor Qosja u zhduk më 19 janar.
58-vjeçari bëri një gabim në stacion duke zbritur nga treni, por e kuptoi gabimin dhe u përpoq të kthehej në të njëjtin tren, i cili megjithatë kishte nisur udhëtimin.
Sipas një dëshmitari, burri banues në Shqipëri, u nda nga vajza e tij dhe po largohej për në Viareggio ku e priste i vëllai.
Historia tragjike e tij u rindërtuar pas tetë ditësh hulumtim dhe pas zbulimit tragjik të trupit në shinat e trenit përmes Santovecchio, në periferi të Pescia. Ai kishte zbritur aksidentalisht në Pescia dhe, duke mos ditur asnjë fjalë italisht, kur e kuptoi gabimin, u ngjit në tren.
Mjeti ishte tashmë në lëvizje dhe Viktor Qosja arriti të qëndrojë i ngjitur me trenin për të paktën një kilometër, kur forcat e lëshuan. Skena u filmua nga kamerat e vëzhgimit me video.
Në dispozicion të prokurorit publik, trupi është transportuar në morgun e Pistoia për një ekzaminim të jashtëm, ku edhe do të përcaktohen shkaqet e sakta të vdekjes. Paraprakisht, besohet se 58 vjeçari humbi jetën pasi përplasi kokën me betonin mbrojtës të hekurudhës, shkruajnë gjerësisht mediat e vendit fqinj.
Qosja kishte mbërritur në Itali për të vizituar të afërmit, ku fillimisht shkoi tek vajza e tij në Veneto. Ajo e shoqëroi për në Prato ku më pas mori trenin për në Viareggio. Ndoshta, burri ishte hutuar nga një ndalesë e gjatë e trenit në Montecatini Terme, pastaj ai zbriti në Pescia duke besuar se ishte në Viareggio.
NDIQE LIVE "PANORAMA TV" © Panorama.al