Gjykata la sot në burg drejtorin e shkollës në Lushnjë, Rrahman Çela i cili u arrestua pas dyshimeve se ka ngacmuar seksualisht një nxënëse 15 vjeçe.
Denoncimi u bë disa ditë më parë nga vajza adoleshente e cila mëson në shkollën 9-vjeçare në fshatin Gjuzë.
Drejtori i shkollës, 55-vjeçari Rrahman Çela u arrestua nga policia menjëherë pas kallëzimit.
“Specialistët për Hetimin e Krimeve në Komisariatin e Policisë Lushnjë arrestuan shtetasin Rr. Ç., 55 vjeç, banues në fshatin Gjuzë, drejtor i një shkolle 9-vjeçare në rrethin Lushnjë, pasi dyshohet se ka ngacmuar seksualisht një nxënëse 15 vjeçe”, sqaroi Policia.
Burimet për “Panorama” bënë me dije se ngacmimet ndaj adoleshentes nga ana e drejtorit të shkollës kanë nisur prej rreth një muaji, duke e komplimentuar vazhdimisht.
“Sa bukur vishesh”, “Sa mirë dukesh”, ishin disa nga komplimentet që drejtori i drejtonte 15-vjeçares, e cila u ka treguar edhe shoqeve të saj se drejtori i shkollës e ngacmonte.
NDIQE LIVE "PANORAMA TV"
© Panorama.al
