Komisariati i policisë numër 3 në bashkëpunim më Seksionin për Hetimin e Narkotikeve në D.V.P.Tiranë, kanë bërë të mundur arrestimin e dy personave të cilët janë kapur me sasi të konsiderueshme lëndë narkotike.
Të arrestuarit janë: Andi Fejzo, 37 vjeç, banues në Tiranë dhe Engli Zhegu, 28 vjeç, po banues në Tiranë.
Atyre u është gjetur dhe sekuestruar 15 dhe 25 doza përkatësisht lëndë narkotike të llojit kanabis.
Njoftimi i policisë:
Goditen dy rate të shpërndarjes së lëndeve narkotike në doza të vogla gjatë fundjavës.
Arrestohen në flagrancë dy shtetas.
Arrestimet nga Kom.Pol Nr 3 dhe Nr 1 në bashkëpunim me Seksionin për Hetimin e Narkotikeve në D.V.P.Tiranë.
Sekuestrohen 40 doza lëndë narkotike Cannabis Sativa.
Një grirëse metalike e lëndëve narkotike.
Dhe një sasi qesesh farmaceutike.
Shërbimet e Policisë të Komisariatit nr.3, në bashkëpunim me Specialistët për Hetimin e Narkotikëve në Drejtorinë Vendore të Policisë Tiranë në bazë të informacioneve të siguruara në rrugë operative kanë goditur një rast të shitjes së lëndëve narkotike, konkretisht ;
U arrestua në flagrancë shtetasi:
- Andi Fejzo, 37 vjeç, banues në Tiranë.
Më datë 20.01.2018, në rrugën “Him Kolli”, gjatë kontrollit fizik të ushruar ndaj shtetasit të mësipërm, iu gjet dhe sekuestrua në cilësinë e provës materiale 15 doza e dyshuar me lëndë narkotike e llojit ” Cannabis Sattiva”.
Po ashtu në cilësinë e provës materiale iu gjetën dhe sekuestruan :
- një grirëse metalike e lëndëve narkotike, një sasi qesesh farmaceutike, një telefon dhe mjeti tip “Benz”.
Gjithashtu po në vijim të informacioneve për shpërndarje të lëndëve narkotike, gjatë kontrolleve të ushtruara nga shërbimet e Policisë të Komisariatit Nr.1, u arrestua në flagrancë shtetasi :
– Engli Zhegu, 28 vjeç, banues në Tiranë, i dënuar më parë.
Pasi në rrugën ” Agush Gjergjevica” gjatë kontrollit në mjetin e tij tip “BMË” dhe kontollit në banesë iu gjetën dhe sekuestruan në cilësinë e provës materiale :
- 25 doza lëndë narkotike e dyshuar “Cannabis Sattiva”.
Materialet i kaluan Prokurorisë së Rrethit Gjyqësor Tiranë për veprime të mëtejshme për veprën penale” Prodhimi dhe shitja e narkotikëve” parashikuar në nenin 283/1 të Kodit Penal.
NDIQE LIVE "PANORAMA TV" © Panorama.al