Një ngjarje e paprecedentë është regjistruar ditën e sotme në Pogradec.
Uniformat blu kanë ndaluar një furgon të mbushur me klandestinë në mes të rrugës, por ata u kanë ikur nga duart efektivëve.
Në pamjet e siguruara nga Gazeta Panorama, një prej policëve shihet sipër mjetit dhe ndërsa zbret poshtë klandestinët fillojnë të shkelmojnë derën e pasme të furgonit derisa e hapin.
Edhe pse efektivi ka armë në dorë dhe ua drejton në një moment, ata nuk janë trembur, madje janë larguar me shpejtësi nëpër qytet.
Megjithatë arratisja e tyre nuk ka zgjatur shumë, pasi janë kapur nga efektivët.
Në videot e Gazetës Panorama, shihet momenti kur policia i shoqëron në komisariat.
NDIQE LIVE "PANORAMA TV" © Panorama.al