Gjykata e Elbasanit ka dhënë masat e sigurisë për Henkrik Hoxhën dhe Mirjetë Hajdinin, të cilët ndihmuan 37-vjeçarin Nuredin Dumani të fshihej pasi mbeti i plagosur me armë zjarri disa ditë më parë. Korrespondenti i Panorama.al mëson se për “ushtarin” e Nuredin Dumanit, Henkrik Hoxhën është dhënë masa e sigurisë arrest me burg.
Ndërkohë për të dashurën kosovare të Nuredin Dumanit, Mirejtë Hajdinin ka rënë akuza e armëmbajtjes pa leje dhe i është lënë vetëm ajo e përkrahjes së autorit.
Ndaj gjykata vendosi masën e sigurisë detyrim paraqitje për 20-vjeçaren.
Të dy u arrestuan mbrëmjen e së martës në banesën ku ishte i fshehur Nuredin Dumani. Menjëherë pasi mbeti i plagosur në Elbasan, ai dyshohet se sëbashku me disa persona kanë udhëtuar drejt qytetit të Fierit.
Dumani, sëbashku me të dashurën e tij 20-vjeçare, kishin marrë një banesë me qira ku qëndronin prej rreth një jave. Në një banesë më vete, dyshohet se qëndronte dhe Henrik Hoxha i cili kishte për detyrë të ruante Dumanin.
