Djali i aktorit të famshëm, Silvester Stallone, Sage ka vdekur nga shkaqe natyrore, si pasojë e një ataku kardiak.
36- vjeçari, djali i aktorit nga martesa e parë me Sasha Czack u gjet i vdekur në banesën e tij në Hollywood më 13 korrik të këtij viti.
Pavarësisht se fillimisht u tha se shkak për vdekjen ishte bërë përdorimi në doza të tepërta i drogës, sipas hetuesve, pas autopsisë nuk është gjetur asnjë shenjë e tillë.
Zyrtarë në Shtetet e Bashkuara thanë se Sage ndërroi jetë për shkak të bllokimit të arterieve të gjakut.
Megjithatë, një burim i ka thënë sajtit “TMZ” se një problem i tillë koronar është i pazakontë për moshën e Sage.
Autopsia fillestare mbi trupin e pajetë të Sage Stallone është provuar si jo bindëse.
NDIQE LIVE "PANORAMA TV" © Panorama.al
