Analisti Ilir Demalia tha se kryeprokurorja Arta Marku duhet të marrë një vendim urgjent në rastin e dhunës ndaj Xhisiela Malokut, nga djali i deputetit socialist. Në një lidhje me skype për Ora News, ai tha se nëse nuk merret një vendim për të, Marku duhet të shkarkohet.
Demalia: Prokuroria e Përgjithashme ose duhet të marrë një vendim urgjent për këtë rast, me personin i cili ka kryer dhunë, ose të mohojnë që nuk është e vërtetë dhe të arrestohet vajza. Një nga të dyja duhet të bëhet, përndryshe Arta Marku të shkarkohet urgjentisht nga ajo detyrë, sepse ajo nuk përfaqëson organin e akuzës, por përfaqëson vetëm kryeministrin Rama si një njeri i lidhur me bandat e tij në parti, që është një parti krimi tashmë e hapur.
Demalia paralajmëroi se si shumë ngjarje të tjera, edhe rasti i Xhisiela Malokut do të mbyllet, ndërsa tha se ngjarje të tilla manipulohen politikisht.
Demalia: Manipulohet shumë nga politika dhe nga gazetarët që përdoren nga politika për interesat e veta. Sa i përket rastit konkret, është e pafalshme, e patolerueshme dhe tregon në çfarë gjendje është shteti shqiptar. Këtu ka një të vërtetë, ose vajza gënjen, ose djali ka kryer gjithë atë akt. Nga hetimet del që vajza është e dhunuar. Në momentit që janë dhënë këto, në momentin që vajza ka bërë denoncimin duhet të ishte arrestuar djali.
Në lidhje me imlikimin e opozitës në këtë çështje, Demalia tha se kjo bëhet që edhe opozita të mbulojë krimet që ka bërë në të shkuarën.
NDIQE LIVE "PANORAMA TV" © Panorama.al
