Një ngjarje e rëndë është shënuar sot në Vlorë, pasi mësohet se është vrarë një 13-vjeçar.
Sipas informacioneve ai është gjetur nga babai i tij me plagë të rënda në një godinë afër banesës.
Më pas është transportuar me urgjencë në spitalin e Vlorës, por ka qenë e pamundur që i mituri të shpëtohej.
Ende nuk dihen rrethanat e kësaj ngjarje, ndërsa policia vijon hetimet për zbardhjen e rastit.
Trupi i 13-vjeçarit është dërguar në morgun e spitalit të Vlorës ku po i nënshtrohet ekspertizës për të zbuluar më shumë rreth ngjarjes.
Njoftimi nga Policia
Më datë 10.09.2018, rreth orës 16:40, në fshatin Fitore, Vlorë, dyshohet se është vetvrarë aksidentalisht me armë zjarri një djalë i mitur me gjeneralitetet M.A., 13 vjeç.
Në momentin e ngjarjes, fëmija ka qenë vetëm duke luajtur në një godinë ngjitur me banesën, ku dyshohet se është vetëvrarë aksidentalisht me armë zjarri tip Pistoletë TT.
Grupi hetimor po punon për sqarimin e rrethanave dhe dokumentimin e plotë të ngjarjes.
NDIQE LIVE "PANORAMA TV" © Panorama.al