Sulmi ndaj Iranit besohet të ketë pasur në shënjestër zonën e qytetit të Isfahanit dhe mendohet se ka qenë nga Izraeli.
Imazhet e reja satelitore tregojnë dy vende të mundshme të sulmit, Aeroportin e Isfahanit dhe bazën ajrore të ushtrisë Shahid Vatanpour.
Fotot nuk duket se tregojnë ndonjë dëmtim të dukshëm.
Kujtojmë se Izraeli ka nisur sulme kundër Iranit më 19 prill, pothuajse një javë pas sulmeve të pashembullta të Teheranit me raketa dhe dronë drejt tokës izraelite.
Sulmi i Iranit ka qenë kundërpërgjigje për një sulm ajror që ka vrarë shtatë komandantë iranianë në konsullatën iraniane në Siri, më 1 prill. Irani e mban përgjegjës Izraelin për atë sulm, por ky i fundit as nuk e ka pohuar, dhe as mohuar diçka të tillë.
Në rast të ndonjë konflikti të madh të drejtpërdrejtë, Izraeli do të ishte në avantazh ushtarak, si në aspektin e mbrojtjes, ashtu edhe të sulmit, vlerësojnë ekspertët.
NDIQE LIVE "PANORAMA TV" © Panorama.al
