Afërdita Dreshaj, e cila u bë nënë në muajin mars, tregoi se po e ushqente me qumësht gjiri djalin e saj, Sky.
Mirëpo, gjatë një bashkëbisedimi me ndjekësit të realizuar së fundmi, këngëtarja zbuloi se tashmë i vogli i saj ushqehet me formulë.
“Po e ushqeja me qumësht gjiri dhe nuk shkoi mirë! Prandaj ndalova, dhe djali dhe unë tani jemi mirë dhe të lumtur”, shkroi Dreshaj.
Modelja tregoi gjithashtu se nëna e saj e ndihmon shumë në rritjen e Sky, edhe pse ka një dado, e cila në disa raste qëndron edhe natën për tu kujdesur për djalin.
Një tjetër e pyeste: “Jo tani, por a dëshiron një fëmijë tjetër pas Sky?”
Afërdita shkroi: “E nise fjalinë siç duhet”, duke nënkuptuar se momentalisht ajo dhe partneri i saj, Jakub Kindl nuk kanë ndërmend të bëjnë një fëmijë tjetër, duke u përqendruar tërësisht tek Sky.
Një muaj pas lindjes, Afërdita arriti të rikthehej në super formë dhe për këtë e ka ndihmuar shumë edhe stërvitja dhe kujdesi me ushqimin që ka treguar gjatë gjithë shtatzënisë.
Megjithatë, modelja ka pranuar se ende nuk është rikthyer në peshën që ka pasur para pritjes së ëmbël.
