Masa te rrepta sigurie paraditen e sotme para Krimeve te Renda, pak para se trupa gjykuese te mblidhet per te degjuar pretencen e akuzes per dosjen Shullazi.
Sot pritet të jepet pretenca për Emilajno Shullazin dhe anetaret e bandes se tij. Si mund ta shihni edhe ne foto, forca të shumta policie kanë rrethuar këtë institucion.
Kujtojme se pikerisht dosja e Shullazit futi në kaos prokurorinë e Krimeve të Rënda, kur prokuroret refuzuan hedhjen e shortit për të gjykuar këtë cështje pas largimit të Elisabeta Imerajt, që u emërua drejtuese e prokurorisë në Tiranë dhe Eneid Nakucit me pretendimin se është sëmurë. Nderkohe qe i vetmi prokuror i çështjes, Besim Hajdarmataj, i cili ka kryer katër muajt e parë veprime hetimore për “Shullazin”, u kundershtua nga pala mbrojtëse.
Drejtuesja e Prokurorisë së Krimeve të Rënda, Donika Prela, vendosi të shtojë numrin e prokurorëve në dosjen “Shullazi”, duke përdorur shortin. Pikërisht ky vendim i saj ka sjellë edhe përplasjen me prokurorët e tjerë.
Pas kesaj situate reagoi kryeprokurorja, Arta Marku, e cila urdhëroi transferimin e përkohshëm në rrethe të tre prej prokurorëve të cilët refuzuan hedhjen e shortit, per Olsian Çela, Sonila Muhametaj dhe Besim Hajdarmataj që do të transferohet në Prokurorinë e Pogradecit.
Ndërsa për Përparim Kullurin, Behar Dibrën, Arenc Çelën, Edvin Kondilin, Pranvera Pustinën, Eugen Becin dhe Blerim Tominajn, kryeprokurorja Arta Marku ka kërkuar hetim disiplinor.
Nje dite me pare tre avokatët e Shullazit, i dergojne leter kryeprokurores Marku dhe Donika Preles, ku shprehin shqetësim se çështja ndaj Emiljano Shullazit dhe grupit të tij është dëmtuar dhe shqyrtimi gjyqësor nuk është i ftohtë dhe i paanshëm.
Aktualisht dihen dy prej prokuroreve te dosjes, Donika Prela dhe Gent Osmani, nderkohe qe dy te tjeret, ende nuk jane bere te ditur.
NDIQE LIVE "PANORAMA TV" © Panorama.al