Betohen para Presidentit të Republikës tre anëtaret e reja të Gjykatës Kushtetuese, Elsa Toska, Marsida Xhaferllari dhe Fiona Papajorgji.
Mbrëmjen e sotme u zhvillua ceremonia e betimit përpara Presidentit të Republikës, Ilir Meta, ku tre zonjat u betuan si anëtare të Kushtetueses.
Duke vendosur dorën mbi Kushtetutën e Shqipërisë, anëtaret e reja u betuan para Presidentit Meta: “Betohem se gjatë kryerjes së detyrave të mia do t’i qëndroj kurdoherë besnik Kushtetutës së Republikës të Shqipërisë!”.
Presidenti Meta iu uroi shumë suksese dhe punë të mbarë në këtë detyrë shumë të rëndësishme.
NDIQE LIVE "PANORAMA TV" © Panorama.al