Ish kryeministri Berisha rikthehet në Parlament pas 10 ditësh përjashtim dhe duket se ka vendosur të kompensojë edhe kohën e seancës së kaluar.
Përmes një fjalimi të gjatë ai e quajti Ramën një zhgaravitës duke iu referuar pikturave të tij, ndërsa deputetët socialistë i quajti tendermenë.
Por Rama gjatë fjalës së tij disa herë ka këmbëngulur që të marrë një përgjigje nga Berisha, a do ta votojë opozita apo jo reformën në drejtësi. “Sali, do e votosh reformën në drejtësi apo s’të lë Shullazi, do e votosh apo s’të lë denoncuesi dixhital?,- iu drejtua kreyministri.
Batutat e Berishës
Berisha për Ramën: Edi Ramës, i dhashë një këshillë që ma kishte dhënë në fëmijërinë time të hershme një mësues ndaj të cilit i jam shumë mirënjohës, mos lexo asgjë që s’kupton, para të tjerëve se del byk, byk, dhe e vërteta është që këtë këshillë njeriu i vetëm që s’mund të ma pranojë është Edi Rama, sepse po ti përmbahet kësaj do flasë vetëm për zhgaravinat dhe asgjë tjetër, që s’ia hedh kush sytë për foto, llogje, retorikë boshe. Je i pafajshëm se nuk di çdo të thotë ky bazohet zhvillimi, nuk di zhvillim i qëndrueshëm, je tabula rasa në këto koncepte atëherë flet ashtu si fole, nuk di ç’do të thotë investime, klimë biznesi, rritje ekonomike, borxh publik, ndaj dhe flet këtu pak më të thënë analfabet, por analfabet plus disa gjëra të tjera mbrapa.
Berisha-deputetëve të PS: o tendermenë, tenderat ju shkaktojnë gazrat më të mëdha, po ju jeni tendermenë, ka dhe ca të tjera, por tendermenë po,
Berisha-Ramës: Mësoje mirë o zhgarravitës, se zhvillimi fillohet me rrugën
Berisha- Ramës: U ktheve te Adil Çarçani, e ktheve në kohën e Çarçanit Kryeministrinë pa asgjë teknologjike, në një kohë kur në mbarë evropën e-kabinetet janë domosdoshmëri, jo luks, por me ato kursen taksapaguesve bojë e letër, daktilografistë e shkresëbërës, i zhduke këto i ktheve në kohën e dajë spiros. Tu zgjua geni e të tërhiq mbrapsht. Hiqi se i vuri armiku Berisha dhe me armikun ka politikë zero dhe e dogje kabinetin.
Berisha për Shkëlqim Canin: Ku e ke anglishtfolësin (Arben Ahmetaj), coja se anglisht lexon ai të paktën, po ti që kishe lexuar sje aty, ti si lexoje ato. Turp që pyet se je i sektorit, ti jap unë po deshe, ti coj unë nëse nuk i ke ti. Ku lanë larot këtu që bëjnë kërdinë, të vijnë të huajt këtu, nuk vjen njeri më.
Berisha për Ramën: Pse me të miat (investimet e huaja të ardhura para 2013) do jetosh ti? Dështimin tënd se mbulon dot me sukseset e mia. Firomose tubat, ato të kanë ngelur shkarravinat, puna është se vendi ka nevojë për investime.
Berisha për pleqërimin me Koçon: Kësaj zonjës që doli dhe tha këtu për investimet, vetëm në fshatrat e bregut, janë investuar 37 mln euro nga BB. Kanë ngelur vetëm 1 ose 2 rrugë të vogla pa asfaltuar dhe në vend të më falenderosh mua pasi të kam krijuar gjithato kushte të pleqërosh me Kocon, se hera e parë në jeten time të dëgjoj një burrë që do pleqëroj me një burrë tjetër, në respkt të plotë të ligjeve të këtij vendi të shpallura nga unë, i qëndroj besnik dhe i respektoj.
Berisha për Fidel Yllin në lidhje me deklaratën e këtij të fundit që bëri në një studio televizive ku ftoio gazetarët dhe analistët të hynin në mbledhjen e KKT-së ku do prezantohej projekti për stadiumin. Por gazetarët nuk hynë se nuk u lejuan nga Garda:
Me atë që u bëre gazetarëve ti Fidel duhet të zhdukesh për 2 muaj të ikësh nga parlamenti mos të dalësh para kamerave. Për besëprerje të tuprshme pse si ktheve përgjigjëe ti atyre? E ka bërë në Tonight ftesën hajde me mua nesër. Do ta sjellim këtu emisionin në parlament, se ndaj bërtet ti. Po ty të akuzoi gjithë media pse sdole të thoshe jo more. Kur të them un të kap tmerri i këtij, (Ramës), pse nuk fole mor Fidel kur të akuzuan gjithë mediat? U ktheve prap në badikuard ti? e ke lënë atë punë ti je deputet tani. I ke marrë gjithë ato dënime në gjykatë si shpifës ordiner, pikëriasht prej këtij, (Ramës).
Rama i përgjigjet Berishës:
kisha kohë që nuk rrija për të dëgjuar Saliun, po sot qëndrova sepse kisha shumë interes të dëgjoja se cfarë do thotë për reformën në drejtësi, dëgjuat gjë? asnjë fjalë. bëri një torolisje të gjatë…i ka mbetur ora aty ku shqiptarët e morën me 1 milion shuplaka dhe e nxorën nga zyra…
Taulant të kam thënë duhet të jesh më i përmbajtur dhe s’duhet të bësh gabim përsëri e ta marrësh seriozisht Saliun, Saliu duhet cuar në urgjencë jo në prokurori se është në një fazë rrëshqitjeje të pandalshme, arsyet janë nga më të ndryshmet por sjemi ne që mund ti gjejmë. Foli me heshtjen e tij, asnjë fjalë për reformën në drejtësi. PD kërkoi kohë të shikojmë nëse e ka kërkuar kohën për ta votuar apo për të gjetur alibinë e rradhës për të mos e votuar.
NDIQE LIVE "PANORAMA TV" © Panorama.al
