Berisha nxjerr denoncimin: Skafi i policit Arjan Tase që vrau 7-vjeçaren përdorej nga Geron Xhafa dhe vëllezërit Halibaj për trafik droge

Aug 5, 2022 | 20:50
SHPËRNDAJE

Kreu i Partisë Demokratike Sali Berisha, ka publikuar denoncimin e një oficeri policie sipas të cilit, skafi i policit Arjan Tase që vrau 7-vjeçaren në Himarë përdorej nga vëllezërit Habilaj dhe Geron Xhafa për trafik droge.

arjan tase foto

Sipas denoncuesit, skafi i Tases është mjet lundrues për operacione të shpejta (trafik të paligjshëm) dhe jo mjet lundrimi për shërbime turistike…!

POSTIMI I PLOTË

Skafi i fuqishëm i komisar Tases përdorej nga Habilajt dhe Gerond Xhafa për trafik droge!

🔴 Lexoni denoncimin e qytetarit dixhital. sb

Përshëndetje Doktor !

Uroj të jeni mirë me shëndet familjarisht.

Jam oficer policie. Po ju informoj në lidhje me Motogomonen me dy motorra të fuqishëm që aksidentoi 7-vjeçaren në Potam: Motogomonja (Skafi) me dy motorra i përket një Grupi trafikantësh që kanë punuar dhe punojnë për transportim hashashi për Itali, Greqi dhe Malin e Zi, për llogari të Habilajve dhe Geron Xhafes, por që janë mbrojtur dhe favorizuar nga oficeri Arjan Tase me detyrë Komandant i Stacionit Policisë Himarë…!

Motogomonja (Skafi), në ditët e fundit të muajit Maj, ka pësuar një defekt duke transportuar 700 kg hashash për në Ishujt e Greqisë. Pastaj është tërhequr nga Deti dhe është dërguar me një automjet të mbyllur në një servis të specializuar për Skafet në Rajonin e Kurbinit në afërsi të Patokut ku i është nënshtruar servisit për më shumë se një muaj. Pra është mjet lundrues për operacione të shpejta (trafik të paligjshëm) dhe jo mjet lundrimi për shërbime turistike…!

Faleminderit.

© Panorama.al

Te lidhura