Deputeti demokrat Belind Këlliçi ka qenë pjesë e takimit të organizuar nga ish-sekretarin amerikan i shtetit Mike Pompeo në kampin Ashraf 3 në Manzë.
Ai ka ndarë foto në rrjetet sociale ku shkruan se është krenar që Partia Demokratike u ofroi një strehë të sigurt muxhahedinëve që erdhën në Shqipëri, të cilët u larguan nga vendi i tyre për shkak të regjimit.
“Pata privilegjin të isha pjesë e takimit të ish Sekretarit të Shtetit Mike Pompeo me Organizatën Muxhahedine të Popullit të Iranit, e vendosur në kampin Ashraf 3 në Manzë.
Ish të burgosurit politikë iranianë u bujtën në vendin tonë në vitin 2013, gjatë qeverisjes së Partisë Demokratike.
Prej vitit 1979 janë përndjekur e masakruar nga regjimit teokratik i mullahëve ndërsa sot rezistenca e tyre i jep shpresë popullit të Iranit.
U njoha nga afër me vuajtjet e tyre me vizitën në muzeun e torturave.
Jam krenar që PD në qeverisje u mundësoi një strehë të sigurtë, duke shfaqur vlerat më të larta të mikpritjes shqiptare.
Ne qëndrojmë krah tyre!
Krah lideres Maryam Rajavi!”, shkruan ai.
NDIQE LIVE "PANORAMA TV" © Panorama.al
