Familjarët, miq dhe të afërm të piktorit Ibrahim Kodra kanqë dalë sot në protestë në zonën e Ishmit për të kundërshtuar vendimin e Ministrisë së Kulturës për të zhvarrosur eshtrat e piktorit.
Ministria kërkon që eshtrat e tij të varrosen në kodrat e Liqenit të Tiranës.
Por banorët e Ishmit protestojnë, pasi Kodra, i lindur në Ishëm, i cili është varrosur një herë në Itali, në vitin 2006 me vendim të qeverisë Berisha u soll në Ishëm.
Thuhet se ka qenë vetë dëshira e piktorit të ndjerë për t’u varrosur në vendlindje.
Ndaj banorët e zonës dhe familjarët e tij nuk e lejojnë këtë gjë. Mëngjesin e sotëm mjetet e komunales së Durrësit dhe Tiranës kishin shkuar për të bërë transportin e eshtrave të piktorit, por nuk janë lejuar.
NDIQE LIVE "PANORAMA TV" © Panorama.al