“Autori më kërkoi që të bëja një punë, por i thashë…”/ Zbulohet dëshmia e të plagosurit në Theth: Më qëlloi me automatik, ja si nisi konflikti

Sep 26, 2021 | 15:59
SHPËRNDAJE

gezimndrezaj

Zbulohet dëshmia e 47-vjeçarit Gëzim Ndrezajt që mbeti i plagosur me armë zjarri ditën e sotme në Theth.

Sipas News24, Ndrezaj është konfliktuar me një banor të zonës për çështje banale. Sipas Ndrezajt, autori i kishte kërkuar që të bënte një punë, por ky i fundit ka thënë se nuk e ka të mundur.

Autori ka qenë me një makinë dhe pas këtij momenti, sipas 47-vjeçarit, ai ka nxjerrë një armë tip automatik dhe e ka qëlluar vetëm një herë në këmbë dhe është larguar.

“Ka edhe më keq. Autori më kërkoi të bëja një punë. I thashë se nuk kam mundësi. E njoh autorin, është vendali. Më plagosi me automatik. Ngjarja ndodhi para 10 minutave. Ai ishte me makinë. Më gjuajti një herë”, thotë i plagosuri.

Gëzim Ndrezaj punonte si murator, dhe dyshohet se puna ka qenë pikërisht dhe arsyeja e kësaj plagosje, çka e dëshmon dhe vetë 47-vjeçari.

Ndërkohë policia ka bërë të mundur identifikimin e autorit dhe po punon për arrestimin e tij.

© Panorama.al

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/