“Atdheu në zemrën e klerikëve myslimanë”/ Presidenti Meta merr pjesë në promovimin e librit të imamit: Kontribut i vyer për…

| 14:42
SHPËRNDAJE

Presidenti i Republikës, Ilir Meta ka marrë pjesë në promovimin e librit “Atdheu në zemrën e klerikëve myslimanë” të imamit të xhamisë së Golemit, Gëzim Abdishahi.

137583202_3671636312882615_651624947931246451_o

Në një postim në Facebook, Presidenti thekson se libri është një kontribut i vyer për evidentimin e patriotizmit të të gjithë klerikëve myslimanë shqiptarë.

Reagimi:

E pranova me kënaqësi ftesën e imamit të xhamisë së Golemit, Gëzim Abdishahi, për të marrë pjesë sot në promovimin e librit të tij, “Atdheu në zemrën e klerikëve myslimanë”.

Siç sqaron autori, kjo vepër është krijuar mbi motivin patriotik të Hafiz Ibrahim Dalliut: “Ne shqiptarët, prej çfarëdo lloj feje qofshim, jemi të tanë vëllezën gjaku dhe vëllazën vatani”.

Libri është një kontribut i vyer për evidentimin e patriotizmit të të gjithë klerikëve myslimanë shqiptarë, Haxhi Vehbi Dibra, Hoxhë Hasan Vogli, Hoxhë Kadri Prishtina, Hafiz Ali Korça, Hafiz Ali Kraja, Hafiz Sabri Koçi e shumë të tjerë, të cilët mbi gjithçka vunë Atdheun, si gjënë më të shenjtë, duke u lënë brezave një porosi tepër të çmuar.

Ky libër është një manual për kontributin e vyer të udhëheqësve tanë të ndritur fetarë, të cilët e paguan me gjak dhe sakrifica të jashtëzakonshme çmimin e lirisë dhe demokratizimit të vendit, që dhe kur u gjendën para togave të pushkatimit e në qelitë e errëta, thanë: “Rroftë Shqipëria!”.

Vepra e Gëzim Abdishahit është një homazh dhe vlerësim i merituar i kontributit të elitave tona të çmuara fetare e shoqërore, që Atdheun e vendosën mbi gjithçka dhe besimin e kishin po aq të shenjtë sa Shqipërinë tonë të dashur.

Te lidhura


Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.