Madridi vazhdon të zgjerojë legjendën e tij. Në ditët në vijim, trofeu i 36-të kampion në La Liga do të vendoset në vitrinat e klubit.
Së bashku me Juventusin, është skuadra që në pesë ligat kryesore evropiane që ka fituar më së shumti kampionatin e saj. Por ky titull përbën një moment historik të ri në historinë e klubit të bardhë: ai e bën Florentino Perezin presidentin më të suksesshëm në historinë e klubit të bardhë. Presidenti aktual i kalon 33 titujt e futbollit që Madridi fitoi nën mandatin e Santiago Bernabeut. Për Florentino Perezin, trofeu në La Liga është i 34-ti si president i Realit. Dhe ai vazhdon të grumbullojë merita dhe trofe që do ta bëjnë të pavdekshëm në historinë e klubit. Reali ka fituar 34 tituj nën drejtimin e Florentino Pérez, i cili ka qenë president që nga vera e vitit 2000, me një pushim midis dorëheqjes së tij në vitin 2006 dhe rizgjedhjes së tij në 2009.
Titulli i tij i parë ishte pikërisht një Ligë, në sezonin e parë si president (2000-2001). Më pas kanë ardhur gjashtë kampionate të tjera. Kanë qenë edhe shtatë Superkupa të Spanjës. Një rekord që plotësohet me 1 Kupë Interkontinentale, 5 Botërorë për Klube, 5 Superkupa të Europës, 3 Kupa të Mbretit dhe xhevahiri në kurorën e klubit: 6 tituj në Europë (Liga e Kampioneve). Por Perez e di më mirë se çdo njeri se çfarë personifikon Santiago Bernabeu për Realin, këtë person që ai e ka lënë pas tashmë. “Bernabeu ishte një pionier dhe një vizionar që e kuptoi se ndërtimi i stadiumit më të mirë në botë dhe përqendrimi i lojtarëve më të mirë ishin formula perfekte për të farkëtuar ikonën universale që është sot Reali i Madridit” . Fraza u shqiptua nga Florentino Pérez në fjalimin e tij para anëtarëve në Asamblenë e kaluar dhe përmbledh lajtmotivin frymëzues që ka udhëhequr menaxhmentin e tij për të vendosur Madridin në krye të futbollit botëror edhe në shekullin e 21-të.
PANORAMASPORT.AL
NDIQE LIVE "PANORAMA TV" © Panorama.al
