Interpol Tirana informoi sot se është arrestuar në Belgjikë me qëllim ekstradimin në vendin tonë, shtetasi shqiptar Ervis (Fatjon) Mehmet Dunga, 29 vjeç, lindur në Fushë-Arrëz, Pukë.
Sipas Interpol Tirana, ky shtetas ishte shpallur në kërkim ndërkombëtar, pasi Gjykata e Shkallës së Parë Durrës, në vitin 2008, e ka dënuar me 7 vjet burg, për kryerjen e veprave penale të “prodhimit dhe shitjes së lëndëve narkotike dhe largim i të arrestuarit nga vendi i qëndrimit të detyruar“
Ervis Dunga, ishte arrestuar në vitin 2007 bashkë me shtetasit Salo Kiptiun dhe Xhemal Ymerin.
Sipas policisë, arrestimi i tyre ishte bërë pasi gjatë një kontrolli i ishte bllokuar një sasi lënde narkotike cannabis sativa.
NDIQE LIVE "PANORAMA TV" © Panorama.al
