Gjykata e Tiranës ka vendosur sot arrest me burg për Arkimed Lushaj, i njohur me emrin si Stresi. Lushaj është arrestuar nga Policia e Tiranës në orët e vona të mbrëmjes së Halloëeen-it.
Këngëtari i muzikës rep është kapur me një pistoletë pa leje, teksa dilte nga një lokal në orët e para të mëngjesit. Policia tha se Stresi, i cili shoqërohej edhe nga një mik i tij, është konfrontuar me dy punonjës të Komisariatit Nr.1, duke mos i lejuar që të ushtronin kontroll fizik ndaj tyre.
Ky konfrontim ka zgjatur rreth 15 minuta, që nga ora 03:00 deri në 03:15 të mëngjesit të djeshëm, dhe sipas Policisë ka sjellë plagosjen e njërit prej policëve, nga një shkrepje e pavullnetshme e armës së shërbimit.
Ngjarja ndodhi në rrugën “Murat Toptani”, saktësisht para bustit të Azem Hajdarit, gjatë kohës që në lokalet e natës në Tiranë zhvilloheshin festimet për natën e Halloëeen-it.
Policisë. Ndërkohë që avokati i çështjes, Marash Ibraj, ka sqaruar detajet e çështjes për gazetën “Panorama”. Tashmë çështja e Arkimed Lushajt është duke u shqyrtuar për armëmbajtje pa leje, veprim që sipas dispozitave ligjore e rrezikon reperin me 7 vite burg, ose shlyerjen e një shume parash, që ai ta mund të shlyejë në gjendje të lirë”.
Pak javë më parë, Gjykata e Krimeve të Rënda në Tiranë e dënoi me njëzet muaj burg, për kërcënim me jetë, presion psikologjik, gjobëvënie prej 20 mijë eurosh ndaj regjisorit Leonard Bombaj.
NDIQE LIVE "PANORAMA TV" © Panorama.al