Trajneri i Romës Paulo Fonseka mbeti i kënaqur me kurajon e treguar nga skuadra e tij për të mos e humbur takimin me Milanin, por pësimi i 3 golave nuk mund ta lërë mënjanë.
Pas përfundimit të supersfidës me “Djallin” 3-3, tekniku portugez u shpreh se arbitri gaboi me të dyja skuadrat.
“Ndeshja – E mira është se shënuam 3 herë, negativja është se pësuam 3 gola. Ishte një ndeshje e balancuar dhe e e nisëm me humbje. Ekipi reagoi mirë dhe me kurajo.
Arbitri – Nuk dua t’i komentoj vendimet e gjyqtarit. Të gjithë gabojmë. Mendoj se arbitri gaboi për të dyja palët.
Mbrojtja – Ibrahimoviç është një qendërsulmues race, nuk luan në thellësi. Leao është i shpejtë dhe hyn në thellësi, në situata një me një ëështë më i shpejtësi se mbrotjësi rival. Prandaj i vendosa pranë Mansinin.
Synimi i Romës – Duam të dalim më mirë se sezoni i kaluar. Mendojmë për ndeshjen e ardhshme me CSKA-në. Punojmë me mendimin se ekipi duhet të përmirësohet. Duhet të jemi ambiciozë. Ka dy skuadra më të forta se ne, por dhe ne e kemi treguar në fushë që jemi ambiciozë”, u shpreh trajneri i Romës Paulo Fonseka.
PANORAMASPORT.AL
NDIQE LIVE "PANORAMA TV" © Panorama.al
