Mirënjohja/ “Kur na shohin, ata na ndalojnë në rrugë dhe na falënderojnë: na ofrojnë ushqim, na japin ëmbëlsira, duan të na japin dhurata“. Trauma/ “Ata kanë frikë sepse dridhjet vazhdojnë“.
Ndërgjegjësimi: “Ata na falënderojnë sepse e kuptojnë se nuk janë të organizuar”.
Kështu e nis një artikull një prej mediave italiane në lidhje me tërmetin katastrofik në Durrës, duke intervistuar zjarrfikësin Massimo Marconcini, 51 vjeç nga Livorno.
Ai është një nga 175 zjarrfikësit italianë që janë me shërbim në Shqipërinë e gjunjëzuar nga tërmeti që goditi në zemër të saj.
Në Durrës, zjarrfikësit italianë u gjendën para skenave identike me tragjeditë e shumta që e bënë Italinë të qante: L’Aquila, Amatrice, Umbria dhe Marche, Ischia dhe Rigopiano. Megjithatë, edhe Massimo pati frikë.
“Ishte një tërmet 5.2. Unë isha në mes të një ndërtese. Nuk zgjati shumë”, thotë ai për “ilfattoquotidiano.it”, duke rikthyer kujtesën e freskët të atyre sekondave.
“Ju nuk mësoheni me tërmetin, nuk mbaron me fundin e tronditjes, se ankthi nuk hiqet me rrënojat, nuk shkundet me pluhur. Shqipëria, shumë pranë nesh, zbulon se është mbi të gjitha e brishtë si ne. Një vend që nuk kujton as tërmetin e fundit: Së pari qytetet nuk ishin aq të mëdha. Dhe gjithashtu kishte më pak komunikim. Tani, natyrisht, është një vend që është rritur aq shumë” – thotë Massimo, me respekt, por shton se “ata nuk janë ende të organizuara për këto gjëra“.
NDIQE LIVE "PANORAMA TV" © Panorama.al
