Autoriteti Kombëtar i Ushqimit pas një inspektimi në tregun e mishit pranë Pazarit të Ri në Tiranë, sekuestroi 115 kilogram mish që tregtohej jashtë kushteve të parashikuara në ligj.
Sipas një njoftimi për shtyp, gjatë kontrollit u konstatua se një numër tregtarësh dispononin mish pa çertifikatë veterinare dhe në ambjente që nuk plotësonin kushtet për konservimin e tij.
Drejtori i AKU-së, Armand Uruçi tha për mediat se inspektimi u zhvillua në bazë të sinjalizimimeve, ndërsa paralajmëroi se nuk do të lejohet askush të tregtojë mish dhe asnjë produkt tjetër ushqimor të pakontrolluar e që cënon sigurinë e konsumatorit.
