Sfida më e re e “Instagram”-it #10yearchalleng nuk ka të mbaruar nga personazhet e famshëm shqiptarë.
Nga sfidë vetjake, duket se tashmë është kthyer në një sfidë me njëri-tjetrin se kush ka ndryshuar më shumë në 10 vite.
E teksa portalet shpallin një fitues nga ana e tyre, aktorja e njohur e humorit Rudina Dembacaj reagon menjëherë duke postuar foton e saj të 10-viteve më parë dhe një të tanishme.
“Lexova te @anabel_hostel që sfidën e #10yearchallenge e ka fituar Valdrin Sahiti, po s’kam vdek akoma unë! #DissValdrinSahiti”, shkruan ajo bashkëngjitur me foton.
Me pak fjalë, Rudina sapo e vetëshpalli veten fituese. E në fakt te fotot e saj vihet re ndryshimi i viteve. Në foton e parë, shihen disa kilogramë më shumë dhe stili i viteve 2000 në të veshur dhe flokë.
Ndërkohë në foton e vitit 2019 ajo shfaqet e veshur me të zeza dhe mjaft elegante.
