Shoqëria Civile dhe ish-rezidentë të shtëpisë së fëmijës kanë marshuar për të përcjellë mesazhin “Stop Dhunës”. Pjesëmarrësit në këtë marshim ishin jo vetëm të rritur, por edhe fëmijë që mbanin pankarta në duar me thirrjet: “Stop shfrytëzimit të fëmijëve”, “Stop dhunës ndaj fëmijëve”, “Fëmijët kanë të drejta”, etj.
Ata nisën marshimin nga Bashkia Shkodër deri tek institucioni ku dyshohet se fëmijët janë dhunuar apo edhe abuzuar seksualisht. Pas marshimit personat që morën pjesë u shprehën se përveç dhimbjes për ngjarjet tronditëse me fëmijët kërkojnë një reagim të fortë dhe shkarkim nga puna të punonjësve, drejtorit dhe mbylljen e institucionit.
