Një tjetër incident me prapavijë politike është shënuar ditën e sotme. Vëllai dhe i biri i kryetarit të PDIU-së në Delvinë janë dhunuar dhe goditur me mjete të forta nga nipi i kandidatit të djathtë për Bashkinë e Delvinës.
Sipas policisë, të dëmtuarit janë I. Mehmeti, djali i kreut të PDIU-së dhe 54-vjeçari Ledio Mehmeti, vëllai i kryetarit. Ndërsa autori është identifikuar si Kreshnik Alinani, 37 vjeç.
Mësohet se autori është djali i vëllait të kandidatit të PD-së për Bashkinë e Delvinës, Dhurim Alinani. Ai ka goditur me mjete të forta edhe automjetin me të cilin udhëtonin dy të lënduarit.
Policia ka shoqëruar autorin e sulmin, ndërsa paraprakisht mendohet se sulmi ka ardhur për shkak të mbështetjes që kreu i PDIU-së i ka dhënë koalicionit të majtë në Delvinë.
Gjitashtu, Policia njoftoi zyrtarisht se ka nisur procedimin penal ndaj Alinanit për veprën penale “dëmtime të tjera me dashje”.
NDIQE LIVE "PANORAMA TV" © Panorama.al