Një aksident me makinë i mori jetën në mënyrë tragjike Fatjon Bunjakut. Futbollisti i Elbasanit ndërroi jetë sot pas mesnate, ndërsa ishte duke udhëtuar në aksin Prishtinë-Mitrovicë.

Sulmuesi i verdhebluve shënonte tre gola ku dy ishin shumë të rëndësishëm. Ishin pikërisht golat me Dinamon dhe Partizanin, respektivisht në javën e tretë dhe katërt, që sollën fitore minimale dhe i shtruan rrugën verdhebluve.

Bunjaku u afrua tek Elbasani në verën e kaluar. Sulmuesi 22-vjeçar po ashtu regjistronte paraqitje me Kosovën U-21, ndërsa para eksperiencës me verdheblutë kishte luajtur me Malishevën, Gjilanin, Lirinë dhe Trepçën.

Elbasani e bëri realitet ëndrrën për të luajtur në Europë, ndërsa Bunjaku kishte padyshim kontributin e tij të rëndësishëm.

Golat e Bunjakut me Elbasanin: (VIDEO)

PANORAMASPORT.AL

---