VMRO-DPMNE ka arritur që të marrë fitoren në zgjedhjet parlamentare dhe presidenciale në Maqedoninë e Veriut, duke siguruar Presidentin, por edhe më shumë vende në Parlament.
Pas fitores, Kreu i VMRO-DPMNE-së, Hristijan Mickoski deklaroi se do të negocioj me të gjitha partitë politike opozitare, edhe pse sipas tij kjo nuk nënkupton se të gjitha do të jenë pjesë e qeverisë së ardhshme.
Ai u shpreh se ka ardhur koha që “LSDM dhe BDI te shkojne ne opozite”.
Mickoski me këtë rast la të kuptohet se pavarësisht numrit të mandateve që ka fituar BDI-ja, kjo e fundit nuk është në agjendën e VMRO-DPMNE-s.
“Nuk do ti përsëris gabimet që i ka bërë kjo qeveri e cila injoronte partitë tjera politike. Ne kemi për qëllim që të bisedojmë me të gjitha partitë politike opozitare. Por kjo nuk nënkupton se të gjitha do të jenë pjesë e qeverisë së ardhshme”, tha Mickoski.
NDIQE LIVE "PANORAMA TV" © Panorama.al
