Një Skënderbe thuajse i plotë do të jetë ai që do të zbresë në fushën e stadiumit “Arena e Demave” sot në ndeshjen përballë Partizanit në orën 16:00.
Korçarët kanë rikuperuar Jurin në kohë rekord dhe me shumë mundësi sulmuesi do ta nisë nga minuta e parë këtë takim. Pjesa tjetër e ekipit pritet që të jetë thuajse e njëjta me të cilën Skënderbeu fitoi dy ndeshet e fundit.
Problemi i vetëm për korçarët mbetet mungesa e senatorit të sulmit, Ardit Nikaj. Lojtari ka pësuar dëmtim në gju dhe me shumë mundësi ka mbyllur sezonin e rregullt me Skënderbeun.
Me vetëm këtë mungesë korçarët kanë udhëtuar drejt Durrësit për të qëndruar fillimisht në një nga hotelet e zonës, ku kanë zhvilluar edhe mbledhjen e fundit para se të nisen sot drejt kryeqytetit për të luajtur takimin kundër Partizanit.PANORAMASPORT.AL
NDIQE LIVE "PANORAMA TV" © Panorama.al