Hamasi thotë se ka pranuar një marrëveshje armëpushimi të propozuar nga Egjipti dhe Katari, pasi Izraeli sugjeron se nuk do ta pranojë propozimin në formën e tij aktuale.
Grupi militant palestinez ka lëshuar një deklaratë duke thënë se lideri i tij suprem, Ismail Haniyeh, kishte shprehur pajtimin e tij në një telefonatë me kryeministrin e Katarit dhe ministrin e inteligjencës së Egjiptit.
Një zyrtar i Hamasit ka thënë se grupi do të dërgojë një delegacion për të vizituar kryeqytetin egjiptian Kajro për të diskutuar propozimin e armëpushimit dhe hapat e ardhshëm.
Një zyrtar izraelit ka thënë se Hamasi ka rënë dakord për një propozim “të zbutur” i cili është “i papranueshëm për Izraelin”.
Zyrtari shtoi se njoftimi i Hamasit “duket të jetë një hile për të hedhur Izraelin si palë që refuzon një marrëveshje”.
Egjipti dhe Katari kanë ndërmjetësuar muaj të tërë bisedimesh mes Hamasit dhe Izraelit.
Hamasi ka rënë dakord për armëpushimin e propozuar disa orë pasi Izraeli urdhëroi palestinezët të nisnin evakuimin e qytetit jugor të Gazës, Rafah, përpara një operacioni ushtarak izraelit.
Izraeli thotë se Rafah është bastioni i fundit i Hamasit.
Lajmet për njoftimin e Hamasit i shtynë njerëzit në Rafah të festojnë në rrugë.
I pyetur gjatë një konference për media nëse pranimi i propozimit të armëpushimit nga Hamas do të ndikonte në një ofensivë të planifikuar në qytetin Rafah të Gazës, zëdhënësi ushtarak izraelit, kundëradmirali Daniel Hagari tha: “Ne shqyrtojmë çdo përgjigje në mënyrën më serioze dhe po shterojmë çdo mundësi në lidhje me negociatat dhe kthimi i pengjeve”.
Hagari shtoi: “Paralelisht, ne jemi ende duke operuar në Rripin e Gazës dhe do të vazhdojmë ta bëjmë këtë.”
Detajet e propozimit nuk u publikuan menjëherë, por ditët e fundit, zyrtarët egjiptianë dhe të Hamasit kanë thënë se armëpushimi do të ndodhte në faza në të cilat Hamasi do të lironte pengjet që mban në këmbim të tërheqjes së trupave izraelite nga Gaza.
Nuk është e qartë nëse marrëveshja do të përmbushte kërkesën kryesore të Hamasit për t’i dhënë fund luftës dhe tërheqjen e plotë të Izraelit.
Matthew Miller, një zëdhënës i Departamentit Amerikan të Shtetit, ka thënë se Amerika do të diskutojë përgjigjen e Hamasit ndaj armëpushimit të propozuar “me partnerët tanë në rajon” në orët në vijim.
Megjithatë, ai nuk do të komentonte pretendimin e Izraelit se Hamasi kishte rënë dakord me një propozim që ishte “zbutur” në krahasim me një kornizë për të cilën ishte punuar fillimisht.
Ai shtoi se një armëpushim midis dy palëve është “absolutisht i arritshëm”.
Millar tha se “prioriteti kryesor” i SHBA-së është përpjekja për të arritur një marrëveshje armëpushimi që do të çojë në lirimin e pengjeve izraelite dhe do të lejojë “një rritje të ndihmës humanitare” në Gaza.
Ai shtoi se ofensiva e planifikuar e Izraelit në Rafah do ta bënte “tepër të vështirë” mbështetjen e rritjes së ndihmës humanitare për Gazën.
Propozimi i armëpushimit i rënë dakord nga Hamasi sot do të shënonte pauzën e parë në luftime që nga përfundimi i armëpushimit të përkohshëm në fund të nëntorit.
Ajo pauzë njëjavore pa rreth 105 pengje të mbajtura nga Hamasi të liruar nga Gaza dhe 240 të burgosur palestinezë të mbajtur në burgjet izraelite.
Hamasi tha se po shkonte në negociata në Kajro me një “frymë pozitive” në një deklaratë të premten, duke shtuar se ishte “i vendosur të siguronte një marrëveshje në një mënyrë që përmbush kërkesat e palestinezëve”.
NDIQE LIVE "PANORAMA TV" © Panorama.al
