Skandali te shtanga / Shefi i Teutës, Leka: Gjoza ka të drejtë, ja çfarë ndodhi në mbledhje…

Panorama Sport | Lajmet e fundit nga sporti

Postuar: Janar 7, 2022 | 22:18


Skandali te shtanga / Shefi i Teutës, Leka: Gjoza ka të drejtë, ja çfarë ndodhi në mbledhje…

Ashtu sikurse Elez Gjoza apo sekretari Florian Hoxha, edhe anëtari i Komitetit Ekzekutiv të FSHP-së, Kreshnik Leka, bën të ditur se Tatjana Marashi ka kërkuar para në këmbim të votës gjatë fushatës.

kreshnik leka

“Deklaroj se gjatë fushatës në Federatën Shqiptare të Peshëngritjes, në fundin e vitit 2020, kemi shkuar në qytete të ndryshme me kandidatin dhe presidentin aktual Elez Gjoza, ku kemi takuar drejtuesit e klubeve në të gjithë vendin, duke shpalosur programin për drejtimin e FSHP-së. Ndërkohë, kur kemi takuar shefen e Klubit Skënderbeu, Tatjana Marashi, jemi gjendur përballë faktin skandaloz, ku kjo zonjë në kërkim të votës kërkoi një shumë parash, njëkohësisht vendosi edhe kushtin që të ishte anëtare e Komitetit Ekzekutiv në FSHP.

Gjatë mbledhjes së Komitetit Ekzekutiv të federatës, presidenti i vendosi në dijeni sjelljen që zonja kishte mbajtur në fushatë. Por, Marashi reagoi ashpër duke ofenduar presidentin dhe njoftoi dorëheqjen nga KE-ja. Jam i mendimit që zonja në fjalë të mos jetë pjesë e drejtimit të sportit në asnjë institucion”, deklaroi Kreshnik Leka, anëtar në Komitetin Ekzekutiv të peshëngritjes dhe njëkohësisht shef në Klubin Teuta.

PANORAMASPORT.AL

LEXO EDHE: EKSKLUZIVE/ E akuzoi se kërkonte para për votën, reagon Tatjana Marash: Gjozën e çoj në gjyq për shpifje

EKSKLUZIVE/ Skandal te shtanga, Gjoza akuzon për korrupsion: Më kërkoi lekë për votën, KOKSH të përjashtojë Marashin

Paratë për votën, sekretari i FSHP-së: Marashi të largohet

EKSKLUZIVE/ Thellohet skandali, Bezhani: SPAK të hetojë Elez Gjozën!