Në Francë e bëjnë fakt të kryer, kampioni i botës pranon uljen e rrogës për t’u transferuar te Barcelona…
Antuan Grizman është një nga emrat më të nxehtë të kësaj merkato, pas deklaratës së tij në fund të sezonit, se ky ishte viti i fundit me “Los Kolçoneros”.
Prej kohësh flitet se francezi, është shumë afër një transferimi tek Barcelona. Sipas asaj që shkruan “L’Equipe”, Barcelona do të derdhë plot 120 milionë euro në arkat e Atletiko Madrid, për të marrë shërbimet e sulmuesit. Lojtari e dëshiron shumë këtë transferim, dhe sipas asaj që shkruhet në media ai ka pranuar të ulë rrogën e tij, vetëm që të transferohet në “Kamp Nou”.
23-vjeçari përfitonte plot 23 milionë euro në sezon tek Atletiko Madrid, dhe tani ka reduktuar pagën e tij në 17 milionë euro në sezon për të qenë pjesë e katalanasve. Tashmë nuk ka më dyshime, nga 1 korriku lojtari pritet të jetë pjesë e Barcelonës.
PANORAMASPORT.AL
NDIQE LIVE "PANORAMA TV"