Dueli i Ligës së Konferencës/ Laçi publikon çmimet e biletave, më e lira kushton… 600 lekë
Laçi ka mbyllur me sukses fazën përgatitore në Pogradec teksa ditën e shtunë kurbinasit janë kthyer në kryeqytet, ku edhe pjesa dërrmuese e lojtarëve janë të akomoduar, teksa tashmë e gjithë vëmendja është te sfida e Ligës së Konferencës.
Laçi është pritës në ndeshjen e parë, ndaj malazezëve të Iskras, sfidë e cila do të luhet në “Elbasan Arena” në orën 20:00. Ky takim do të gjykohet nga një treshe gjyqtarësh nga Luksemburgu.
Kurbinasit së fundmi nëpërmjet faqes zyrtare kanë dhënë dhe informacionin e nevojshëm për biletat e duelit ndaj Iskras.
Tre janë tribunat, ndërsa çmimet variojnë si në vijim. 600 lekë është më e lira, pikërisht në tribunën prapa porte. 1000 lekë në tribunën E që është karshia dhe 2000 lekë kushton për ta parë ndeshjen nga tribuna kryesore.
Biletat do jenë në shitje nga dita e martë (5 korrik) në qytetin e Laçit, ndërsa në stadiumin “Selman Stërmasi” dhe “Elbasan Arena” shiten ditën e enjte, kur luhet ndeshja.
PANORAMSPORT.AL
NDIQE LIVE "PANORAMA TV"