Ish shefi i Fondit Monetar Ndërkombëtar, Domenik Shtraus-Kan dhe gruaja e tij An Sinkler raportohet se janë ndarë pas 20 vjetësh martesë.
Mediat franceze raportuan se Sinkler, një trashëgimtare e pasur dhe gazetare, i kishte kërkuar Shtraus-Kanit, pothuaj një muaj më parë, që të largohet nga banesa e tyre në qendër të Parisit.
Shtraus-Kan, 63 vjeçar, është nën hetime në Francë nën dyshimet se është përfshirë në një rrjet të dyshuar prostitucioni.
Vitin e kaluar, ai u arrestua në Nju Jork nën akuzat se ishte përpjekur ta dhunojë një shërbyese hoteli.
Skandali e detyroi atë të japë dorëheqje nga funksioni i tij në FMN dhe t’i japë fund ambicieve për të garuar për presidencën franceze.
Sinkler, edhe ajo 63 vjeçare, i qëndroi atij pranë vitin e kaluar.
Që nga janari Sinkler punon si redaktore e versionit francez të faqes së internetit Huffington Post, që e ka selinë në SHBA.
NDIQE LIVE "PANORAMA TV" © Panorama.al
