Në ambientet e “Xibrakut”, ku u zhvillua pritja e Kryeministrit me rastin e Ditës së Çlirimit të vendit, ishin të ftuar edhe familjarë të viktimave të 21 janarit 2011.
Ana e Ziver Veizit dhe bashkëshortja e tij u takuan nga Edi Rama gjatë takimeve që ai zhvilloi me të gjithë të ftuarit. Edhe me familjarët e Hekuran Dedës, nëna dhe vëllezërit i ishin përgjigjur pozitivisht ftesës së bërë nga Kryeministri për të marrë pjesë në homazhet dhe koktejin me këtë rast.
Madje Kryeministri Rama ka bërë dhe një fotografi me familjarët e Hekuranit. Në deklaratat e mëparshme të kryetarit të PS-së është shprehur vendosmëria për t’u pasur në vëmendje familjarët e katër viktimave të vrarë në protestën e 21 janarit para Kryeministrisë.
NDIQE LIVE "PANORAMA TV" © Panorama.al