Këshilltarët e opozitës janë nisur për të shkuar në mbledhjen e Këshillit Bashkiak të Tiranës, por kanë gjetur derën mbyllur.
Nënkryetari opozitar i këshillit bashkiak, Dorian Teliti, në një prononcim për media, është shprehur se Erion Veliaj nuk ka autoritet të anulojë mbledhjen e këshillit bashkiak, ndërsa kërkon që të hapet dera.
“Këshilltarët e Erion Veliajt të thonë se ku kanë shkuar paratë e 5D. U kërkoj qytetarëve të vijnë në protestë për të kërkuar dorëheqjen e atij që edhe kur nuk është në zyrë është në SPAK, vazhdon të japë urdhra dhe e trajton bashkinë e Tiranës si çifligun e vetë. Ai nuk ka autoritetin të anulojë asnjë mbledhje të këshillit bashkiak. Kërkojmë të hapin derën se ligjet nuk bëhen nga rruga dhe kafja. T’i heqin zinxhirin derës, të na lejojnë të futemi brenda.
Sot sekretaria ka dërguar në orën 14:00 një e-mail ku thotë se do mblidhet sekretaria në orën 15:00. Nuk donin që përfaqësuesit e opozitës të ishin të pranishëm. Kujtojnë se ne jemi të papunë. Asnjë telefonatë nuk kanë bërë. Ne kemi bërë kërkesë që mbledhja të zhvillohet ne formatin e jashtëzakonshëm, por këta edhe mbledhjen normale anulojnë dhe i vendosin zinxhirin derës”, tha Teliti.
NDIQE LIVE "PANORAMA TV" © Panorama.al
