“Plehurinë apo vepër arti ?!”- Luan Rama poston fotot e instalacionit te Galeria e Arteve: E mbështjellë me thasë të qelbur nga…

| 20:22
SHPËRNDAJE

Zv.kryetari i LSI-së, Luan Rama ka reaguar për Instalacionin e vendosur tek Galeria e Arteve.

Me një shënim në facebook, ai  cilëson atë “një plehurinë e hedhur mbi Galerinë Kombëtare të Arteve, e cila gjendet e mbuluar me këta thasë të qelbur të sjellë nga Gana”.

LUAN-RAMA

Ndërsa poston disa foto, Rama shkruan: Vetëm një plehurinë që sintetizon shijet perverse dhe vulgaritetin që i imponohet dhunshëm Tiranës tonë!

 Postimi i plotë:

Shikojini me vëmendje fotot që po publikoj!

Në to është Galeria Kombëtare e Arteve në mes të Tiranës, e mbështjellë prej gati katër muajsh me disa thasë të qelbur të sjellë nga Gana, të cilët kundërmojnë prej erës së keqe!

E quajnë instalacion. Domethënë vepër arti!

E autori me emrin Ibrahim Mahama, thotë se është frymëzuar nga vepra e Ismail Kadaresë “Pallati i Ëndrrave” dhe se “synon të paraqesë kontradiktat dhe paradokset e qenësishme brenda historisë dhe format e punës që shfrytëzohen në kohën e sotme”.

Mbase është edhe kështu.

Por mua nuk më duket një vepër arti, e aq më pak për t’u ekspozuar në Galerinë Kombëtare!

Në vlerësimin tim, është vetëm një plehurinë e hedhur mbi Galerinë Kombëtare të Arteve, e cila gjendet e mbuluar me keta thasë të qelbur të sjellë nga Gana që prej datës 26 nëntor 2019, pra që prej ditës së tërmetit.

Për mua personalisht, është as më pak dhe as më shumë vetëm një plehurinë që sintetizon shijet perverse dhe vulgaritetin që i imponohet dhunshëm Tiranës tonë!

Ndaj po e ndaj me ju shqetësimin tim e po ju pyes: çfarë është, një plehurinë apo vepër arti?!…

1 2 3 4

Te lidhura



Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.