PAKISTAN- Mijëra vetë kanë marrë pjesë sot në protestën kundër filmit antiislamik, të prodhuar privatisht në Shtetet e Bashkuara, që u zhvillua në qytetin Karaçi në Pakistan.
Gjatë marshimit disa protestues shkelnin flamurin amerikan. Një zyrtar i lartë i policisë në Karaçi tha se në protestë merrinin pjesë “së paku 15 mijë” vetë, ndërsa organizatorët pretendonin se në protestë kanë marrë pjesë “miliona njerëz”.
Filmi i prodhimit privat “Pafajësia e myslimanëve” ka shkaktuar pakënaqësi dhe shpeshherë demonstrata të dhunshme në gjithë botën.
Të premten, në Pakistan ndodhi dhuna më e keqe, pasi u vranë së paku 21 vetë dhe u plagosën 229 të tjerë, kryesisht nga përleshjet me policinë.
Kjo dhunë u bë derisa në gjithë Pakistanin ishin mobilizuar më se 45 mijë pjesëtarë të krahut esktrem të partive religjioze.
NDIQE LIVE "PANORAMA TV" © Panorama.al
