Kryeministri grek Jorgo Papandreu thirri një referendum mbi paketën e re të ndihmës të dhënë nga BE, dhe tha se do të kërkojë votëbesim për të siguruar mbështetje për politikën e tij, për pjesën e mbetur të mandatit 4- vjeçar, i cili skadon më 2013.
“Ne kemi besim tek qytetarët, ne besojmë në gjykimin e tyre, ne besojmë në vendimin e tyre,” tha Papandreu.
Udhëheqësit eurozonës ranë dakord javën e kaluar që të vazhdojnë me ndihmën për ta nxjerrë nga kolapsi shtetin fqinj, duke parashikuar një fond prej 130 miliardë euro, si dhe faljen e gjysmës së borxhit që ka marrë pranë bankave private.
Referendumi do të mbahet pas disa javësh, pasi marrëveshja të jetë finalizuar, tha Papandreu.
Sipas një sondazhi të së shtunës, 60% e grekëve e konsideronin paketën e shpëtimit si negative apo ndoshta negative.
NDIQE LIVE "PANORAMA TV" © Panorama.al
