UPDATE/ Nuk kanë munguar batutat dhe situatat gjatë ceremonisë për shpërndarjen e lejeve të legalizimeve në zonën e Ish-Kënetës në Durrës.
Ashtu si është bërë e udhës tashmë, sa herë që në këto takime është kryeministri Rama batutat e romuzet kanë qenë të pranishme edhe sot.
Rama ka vlerësuar ministren e Zhvillimit Urban, Eglantina Gjermeni dhe ka shpotitur kreun e ALUIZNI-t, Artan Lamen.
Pasi ka ftuar Gjermenin të japë lejen e tretë për një banor, Rama ka deklaruar: “Ftoj tani, të tretën të vërtetën, ministren Gjermeni, e cila punon shumë e flte pak, jo si Tan Lamja që flet shumë e punon pak”.
Batutat me banoret
Rama duke kujtuar se mes morisë së dosjeve të gjetura nga ALUIZNI ka pasur çudira, ai rasti i një banori që kishte futur në dosje fotografinë e shtëpisë me flamurin e PD, e që nuk ishte legalizuar.
“ Kur e pyetëm atë përse nuk kishte marrë leje, se ishte edhe i partisë në pushtet, ai na tha; po e dinin që isha i tyri dhe do kenë thënë s’ka problem se yni është’. Këtë radhë po tregoj një rast të ngjashëm, kur në dosje një banor ka futur fotografinë e shtëpisë dhe veten duke pozuar me dy gishtat lart”- tha Rama.
Rama: Banori quhet Afrim Alla, hajde merr lejen. Kur e keni bërë aplikimin
Banori: Po nga viti 2000
Rama: Si me dyshim po e thua, aq ka kaluar sa as vetë s’po e mban mend
Banori qesh
Rama: Pse s’ta dhanë lejen mo, me gjithë ato gishta përpjetë. Pse s’ta dhanë lejen? I pagove lekët
Banori: Lekët pa mbaruar procedurat si ti paguaja
Rama: Them atëherë a pagove
Banori: E pagova atëherë
Rama: Pse s’ta dhanë
Banori: Po si gjithë të tjerët
Rama: Ti vazhdo me gishtat lart, merr lejen tani
Vleresimi per Dakon
Kreu i qeverisë, Edi Rama ka qenë sot në zonën e Durrësit për të shpërndarë leje legalizimesh për banorët e zonave informale, kryesisht ish-kënetës, që ka preferuar ta quajë “Durrësi i Ri”.
Gjatë fjalës së tij, Rama ka lëvduar kreun aktual të Bashkisë, Vangjush Dakon, për të cilin ka shprehur bindjen se do të jetë në detyrë edhe pas zgjedhjeve.
“Jam i bindur që me kryetarin e bashkisë në detyrë sot e në detyrë pas zgjedhjeve, ashtu si kemi përmirësuar infrastrukturën e kësaj zonë, do ta kthejmë zonën e Kënetës në një lagje që e meriton të quhet Durrës i Ri”- tha Rama.
NDIQE LIVE "PANORAMA TV" © Panorama.al