Policia ka vendosur në pranga dy persona pasi kultivuan kanabis në 2 parcela në pyllin e fshatit Mukje të Krujës.
Në pranga kanë rënë shtetasit me iniciale Sh. S., 55 vjeç, dhe M. M., 23 vjeç, të dy banues në Mukje.
Gjithashtu, gjatë kontrollit në banesën e 55-vjeçarit u gjetën dhe sekuestruan një krehër arme dhe municion luftarak.
Njoftimi i policisë:
Krujë/ Komisariati i Policisë Krujë, në vijim të punës për parandalimin e kultivimit të bimëve narkotike, bazuar dhe në inteligjencën policore, ka finalizuar operacionin e koduar “Monitorimi”.
Si rezultat i tij u arrestuan në flagrancë shtetasit Sh. S., 55 vjeç, dhe M. M., 23 vjeç, të dy banues në Mukje, Krujë.
Këta shtetas, në bashkëpunim me njëri-tjetrin, dyshohet se kanë kultivuar bimë narkotike në dy parcela në pyllin e fshatit Mukje, Krujë. Gjatë kontrollit në këto parcela, shërbimet e Policisë gjetën dhe sekuestruan në cilësinë e provës materiale, 130 bimë të dyshuara narkotike cannabis.
Gjithashtu, gjatë kontrollit në banesën e shtetasit Sh. S., shërbimet e Policisë gjetën dhe sekuestruan një krehër arme dhe municion luftarak.
Materialet procedurale i kaluan Prokurorisë.
NDIQE LIVE "PANORAMA TV" © Panorama.al
