TIRANE- Komisioni Qëndror i Zgjedhjeve ka miratuar me 4 vota pro dhe 2 kundër tabelën përmbledhëse për këshillin bashkiak të Bashkisë së Tiranës.
Në mbledhjen e pasdites e cila zgjati për rreth 60 minuta, pati debate mes përfaqësuesve të pozitës dhe opozitës lidhur me tabelën përmbledhëse dhe votat e përfshira në të.
Përfaqësuesit e opozitës pretenduan për mospërputhje shifrash në tabelë, por KQZ shpjegoi se ky ishte një gabim njerëzor.
Sipas Komisionit Qëndror të Zgjedhjeve, tabela përmbledhëse është hartuar duke marrë tabelat e KZAZ-ve të grupeve të numërimit, duke ju shtuar ketyre, votat sipas vendimit 709 dhe votat sipas vendimit 1158.
Pas këtij vendimi, KQZ do të presë edhe kohën e ankimimit që kanë në dispozicion subjektet politike dhe më pas do të precedojë me shpërndarjen e mandateve për Këshillin Bashkiak. Një proces i tillë kërkon shumicë të cilësuar prej 5 votash nga anëtarët e KQZ-së.
Në bazë të votave të marra, “Aleanca për qytetarin” merr 28 këshilltarë dhe “Aleanca për të ardhmen” 27 këshilltarë.
NDIQE LIVE "PANORAMA TV" © Panorama.al
